პრაქტიკული საევაკუაციო სწავლება

საქართველოში მოქმედი კანონმდებლობის მიხედვით, კერძოდ 370-ე დადგენილების მე-5 მუხლის მე-8 პუნქტის მიხედვით:

“ადამიანთა მასობრივი თავშეყრის ობიექტებისათვის შემუშავებული უნდა იქნეს ხანძრის პირობებში ევაკუაციის უზრუნველყოფისათვის პერსონალის მოქმედებების ინსტრუქცია (დანართი №4). ობიექტების ხელმძღვანელებმა არანაკლებ ნახევარ წელიწადში ერთხელ უნდა უზრუნველყონ ხანძრის დროს პერსონალის მოქმედებების გავარჯიშება შენობის ხანძარსაწინააღმდეგო დაცვის სისტემის ყველა ელემენტის გამართული მუშაობის შემოწმების პარალელურად.”

ამავე დადგენილების  N 6 დანართის “სახანძრო უსაფრთხოების სწავლება” მე-11 პუნქტის მიხედვთ:

პრაქტიკული სწავლების ჩატარება სავალდებულოა ნახევარ წელიწადში ერთხელ ხანძარსაშიში წარმოების, მასობრივი თავშეყრის (50 ადამიანზე მეტი)  სამედიცინო და საგანმანათლებლო დაწესებულებების (სადაც ადამიანები იმყოფებიან ღამის საათებში) ობიექტებზე.

SafCo გთავაზობთ პრაქტიკული საევაკუაციო სწავლების სერვისს, რომლის ფარგლებში სპეციალურად შემუშავებული სავარჯიშოების დახმარებით, მოხდება ორგანიზაციაში დასაქმებულებისთვის პრაქტიკული უნარ-ჩვევების გამომუშავება მათივე ჯანმრთელობისა და უსაფრთხოების შენარჩუნების მიზნით.

საევაკუაციო ვარჯიშის სწავლება მოიცავს 3 ეტაპს:

1. თეორიული სწავლება – მიზნობრივ ჯგუფებს უტარდებათ ტრენინგები სახანძრო უსაფრთხოებასა და სხვადასხვა საგანგებო სიტუაციების მართვასთან დაკავშირებით.
2. საგანგებო სიტუაციებზე რეაგირების გუნდის განსაზღვრა – გუნდის ფორმირებისას აუცილებელია გუნდის წევრებს განსაზღვრული ჰქონდეთ თავიანთი როლები და პასუხისმგებლობები ყველა შესაძლო საგანგებო სიტუაციის დადგომისას.
3. პრაქტიკული საევაკუაციო სწავლების ჩატარება

საევაკუაციო სწავლების დასრულების შემდეგ დამკვეთ ორგანიზაციას გადაეგზავნება დეტალური და დასურათებული ანგარიში, რომელიც შეიცავს სწავლების სპეციფიკას, აღმოჩენილ ხარვეზებსა და რეკომენდაციებს.

სერვისის შესაკვეთად დაგვიკავშირდით ნომერზე: 0322830221