გზამკვლევი
მსოფლიო პანდემიის ფონზე მილიონობით დასაქმებულს მოუწია დისტანციურად მუშაობის რეჟიმზე გადასვლა. ამ ფაქტმა არაერთგვაროვანი გამოხმაურება მიიღო: ზოგი დასაქმებულისთვის დისტანციურად (სახლიდან) მუშაობა იდეალური განვითარებაა – მათი თქმით, ისინი ზოგავენ ტრანსპორტირების ხარჯებს, მუშაობენ ნაკლებად სტრესულ გარემოში, აუმაღლდათ პროდუქტიულობა და მოტივაცია, გაუუმჯობესდათ ფსიქოლოგიური მდგომარეობა და ა.შ. ზოგი დასაქმებული კი, ამ ფაქტს, პირიქით, ნეგატიურად აღიქვამს – მათი მოსაზრებით, დისტანციურად მუშაობის და საოჯახო ცხოვრების შერწყმა დამატებითი სტრესია, მათ უჭირთ მშვიდი და ერგონომიული სამუშაო გარემოს შექმნა, აწუხებთ ხმაური, დაუქვეითდათ კონცენტრაცია და შესაბამისად პროდუქტიულობა.
ორივე მოსაზრებას აქვს თავისი წილი სიმართლე და დამოკიდებულია თავად დასაქმებულის პრეფერენციებსა და შეცვლილი სამუშაო გარემოს თავისებურებებზე. თუმცა ერთი რამ ფაქტია, სამუშაო ადგილების ასეთმა მასიურმა მიგრაციამ და ცვლილებამ შემოიტანა ახალი გამოწვევა შრომის უსაფრთხოების მენეჯერებისთვის და ზოგადად დარგისთვის.
სამუშაო სივრცის დისტანციურად გადატანა საცხოვრებელ სახლებში ან სხვა სივრცეებში რა თქმა უნდა არ ათავისუფლებს დამსაქმებელს იმ ვალდებულებისგან, რაც მათ იურიდიულად და მორალურად აკისრიათ: იზრუნონ თავიანთი დასაქმებულების ჯანმრთელობასა და უსაფრთხოებაზე. ამიტომ აუცილებელია ყველა ორგანიზაციამ და შრომის უსაფრთხოების წარმომადგენელმა კარგად გაიაზროს დისტანციურად მუშაობასთან ასოცირებული საფრთხეები და შეიმუშაოს მათი კონტროლის მექანიზმები.
ამ პროცესში ჩვენი გზამკვლევი დაგეხმარებათ.
იხილეთ ორი მიმაგრებული ფაილი და გამოიყენეთ სურვილისამებრ!
1. დისტანციურად მუშაობა – გზამკვლევი
2. სახლიდან მუშაობა – უსაფრთხოების რეკომენდაციები
საფკო გისურვებთ ჯანმრთელობას და უსაფრთხოებას!
