Skip to content

ჩვენი შესრულებული პროექტები

FAO - სურსათის უვნებლობის სტანდარტების გაუმჯობესება

გაეროს სურსათისა და სოფლის მეურნეობის ორგანიზაცია FAO არის მთავრობათაშორისი ორგანიზაცია, რომლის მანდატიც საქართველოში სასურსათო უსაფრთხოებისა და მდგრადი განვითარების ეროვნული მიზნების მხარდაჭერაა.

FAO-ს გამოცხადებულ ტენდერში (საქართველოში არსებული ბენეფიციარი საწარმოებისთვის კომპანიის შესარჩევად), რომელიც სურსათის უვნებლობის სტანდარტების გაუმჯობესებას ისახავდა მიზნად, გაიმარჯვა SafCo-მ.

პროექტის ფარგლებში  FAO-ს საკვები პროდუქციის საწარმოებში გატარდა შემდეგი ღონისძიებები:

  • ადგილზე არსებული ხარვეზების ანალიზი/აუდიტი
  • GHP/HACCP ტრენინგები, რაც მოიცავს ობიექტის საწარმოო და ჰიგიენის პრაქტიკის არსებული მდგომარეობის შესაბამისობის შეფასებას სურსათის უვნებლობის მოთხოვნებთან
  • HACCP სტანდარტების დანერგვა, რომელიც მოიცავს:  
    სამუშაო ჯგუფის მომზადებას და სურსათის უვნებლობის სისტემის შემუშავებას, დოკუმენტირებული პროცედურების, ინსტრუქციების, სამუშაო ფორმების შედგენას; შემუშავებული სისტემის შეთანხმებას, დასამტკიცებლად მომზადებას და ორგანიზაციის ბიზნეს-პროცესებში ინტეგრირებას; სამუშაო ჯგუფთან ერთად HACCP-ის სისტემის დანერგვის სამუშაოების ჩატარებას ობიექტზე; აუდიტის ჩატარებას ყველა ობიექტზე, შიდა აუდიტის ანგარიშის გადაგზავნას დამკვეთისთვის, შედეგების ინტერპრეტაციას; სამუშაო ჯგუფთან ერთად გამოძახების სიმულაციური ტესტის ჩატარება და საბოლოო შეფასება.  
  • საინვესტიციო რეკომენდაციები

იმ ბიზნესებთან გაწეული მომსახურება, რომლებიც არ შეესაბამებოდნენ HACCP-ის სტანდარტებს, თავდაპირველად მოიცავდა ადგილზე არსებული ხარვეზების ანალიზს, HACCP-ის ტრენინგების უზრუნველყოფას და ერთობლივი გეგმის შემუშავებას.   HACCP-ის სტანდარტებთან შესაბამისობაში მყოფ ბიზნეს ოპერატორებთან განხორციელდა არსებული ხარვეზების ანალიზი სურსათის უვნებლობის პოტენციური გამოწვევების გამოსავლენად,  მიღებული შედეგები უზრუნველყოფს მათი სტანდარტების გაუმჯობესებას.

მოგვწერეთ კითხვა

რეგისტრაცია

ტრენგიგზე რეგისტრაციისთვის ამოირჩეთ სასურველი სამართლებრივი პირი