(ქ. მარნეულში დახურულ სივრცეში მუშაობას
კიდევ ორი ადამიანის სიცოცხლე შეეწირა)
დახურულ/შეზღუდულ სივრცეში მუშაობა წარმოადგენს უდიდეს საფრთხეს, რასაც თან ახლავს რისკების მთელი კასკადი. დახურულ/შეზღუდულ სივრცეში მუშაობა მთელს მსოფლიოში აღიარებულია ერთ-ერთ ყველაზე მაღალი რისკის შემცველ სამუშაოდ. სხვადასხვა ინდუსტრიები განსაკუთრებული კონტროლის ზომებს მიმართავენ დახურულ სივრცესთან დაკავშირებული რისკების მინიმუმამდე დასაყვანად.
ბოლო პერიოდში, ჩვენს ქვეყანაში დახურულ/შეზღუდულ სივრცეებში მუშაობისას არაერთი ფატალური შემთხვევა ფიქსირდება. ერთ-ერთი ბოლო შემთხვევა გასულ დღეებში, მარნეულის მუნიციპალიტეტში მოხდა, სადაც საკანალიზაციო ჭაში სამუშაოებს ორი ადამიანის სიცოცხლე შეეწირა, ასევე, შეგვიძლია გავიხსენოთ გურჯაანის მინიციპალიტეტის სოფელ ბაკურციხეში მომხდარი ინციდენტი, რომელსაც მამა – შვილის გარდაცვალება მოჰყვა, ხაშურის მუნიციპალიტეტში – ძმების გარდაცვალება და სამწუხაროდ, კიდევ ბევრის გახსენება შეიძლება.
დახურულ სივრცეებში ადამიანის დაღუპვის ძირითადი მიზეზები ჟანგბადის უკმარისობა და ტოქსიკური აირების მაღალი კონცენტრაციაა.
ყველა დასაქმებულმა თუ თვითდასაქმებულმა, სანამ გადაწყვეტს შევიდეს ან ჩავიდეს დახურულ სივრცეში, მინიმუმ ის მაინც უნდა შეძლოს, რომ გაზომოს ჟანგბადის შემცველობა დახურულ/შეზღუდულ სივრცეებში შესაბამისი აირ-დეტექტორით. ატმოსფეროს მონიტორინგი უნდა განხორციელდეს არა ერთჯერადად, არამედ მთელი სამუშაო პროცესის დროს.
დახურულ სივრცეში მუშაობისას საჭირო რეკომენდაციების დაცვით, მნიშვნელოვანი საფრთხეების არიდებას, საკუთარი და სხვა ადამიანების სიცოცხლის გადარჩენას შევძლებთ.
ზემოთ ხსენებული ფატალური შემთხვევების გამომწვევი მიზეზი შესაძლოა, ყოფილიყო გოგირდწყალბადის H2S მავნე აირის მაღალი კონცენტრაციით აკუმულირება, რომელიც მსოფლიოს ერთ-ერთ ყველაზე ,,მკვლელ’’ აირად არის ცნობილი.
მსგავსი ტიპის სამუშაოების დროს, საერთაშორისო პრაქტიკა მიმართავს მთელ რიგ ღონისძიებებს და მაკონტროლებელ საშუალებებს. მსოფლიოს სხვადასხვა ქვეყანაში დახურულ/შეზღუდულ სივრცეებში მუშაოებას არეგულირებს შესაბამისი ტექნიკური რეგლამენტი, რომლის საშუალებითაც ხდება მსგავსი რისკის შემცველი პროცესების უსაფრთხოდ წარმართვა. საქართველოში ჯერჯერობით არ არსებობს მსგავსი ტენიკური რეგლამენტი.
SafCo გთავაზობთ სწორედ მსოფლიო საუკეთესო პრაქტიკაზე დაყრდნობილ ონლაინ სასერტიფიკატო კურსს დახურულ/შეზღუდულ სივრცეებთან და მათთან ასოცირებულ რისკების მართვასთან დაკავშირებით.
ეწვიეთ შრომის უსაფრთხოების პირველ ონლაინ პლატფორმას საქართველოში და გაუზიარეთ სხვა დაინტერესებულებსაც: www.academy.safco.ge
გახსოვდეთ! ინფორმაციის ნაკლებობა არის ყველაზე დიდი საფრთხე ადამიანთა სიცოცხლისა და ჯანმრთელობისთვის.
