SafCo ერთადერთი შრომის უსაფრთხოების ტრენინგ ცენტრია საქართველოში, რომელიც ლიცენზირებულია შრომის უსაფრთხოების საერთაშორისო ორგანიზაცია IOSH-ის მიერ.

IOSH არის ერთ-ერთი წამყვანი საერთაშორისო ორგანიზაცია შრომის უსაფრთხოებისა და პროფესიული ჯანმრთელობის სფეროში, რომელიც ყოველწლიურად 180,000-ზე მეტ ადამიანს ამზადებს მსოფლიოში.

რატომ მაინცდამაინც SafCo-ს შრომის უსაფრთხოების აკრედიტებული პროგრამა?

ჩვენი შრომის უსაფრთხოების აკრედიტებული კურსი ორიენტირებულია არა მხოლოდ თეორიულ ცოდნის მიღებაზე, არამედ იმ პრაქტიკული უნარების გამომუშავებაზე, რომლებიც აუცილებელია სამუშაო პროცესში. სწავლება მიმდინარეობს სფეროში მრავალწლიანი გამოცდილების მქონე პრაქტიკოსი ლექტორების მიერ, რაც უზრუნველყოფს ცოდნის გადაცემას რეალურ მაგალითებზე დაყრდნობით.

კურსის ფარგლებში მიიღებთ პრაქტიკულ გამოცდილებას, იმუშავებთ რეალურ ქეისებზე და შეიძენთ უნარებს, რომლებიც დაგეხმარებათ პროფესიის დაუფლებაში და სწრაფად დასაქმებაში.

ჩვენი კურსდამთავრებულების 90%-ზე მეტი დასაქმებულია შრომის უსაფრთხოების მიმართულებით, რაც პროგრამის ეფექტურობასა და რეალურ შედეგებზე ორიენტაციას ადასტურებს.

SafCo-ში ყველა კურსდამთავრებული იღებს:

• • შრომის უსაფრთხოების სპეციალისტის ადგილობრივ სერტიფიკატს;
  • უვადო საერთაშორისო სერტიფიკატს IOSH Managing Safely, რომელიც აღიარებულია სხვადასხვა ქვეყანაში და ორგანიზაციაში;
  • პირველადი სამედიცინო დახმარების სერტიფიკატს;
  • უფასო წვდომას შრომის უსაფრთხოების პირველ ონლაინ პლატფორმაზე – Safco Academy  და მასზე განთავსებულ ყველა თემატურ სასერტიფიკატო კურსზე;
  • ქართულ ენაზე შექმნილ შრომის უსაფრთხოების სახელმძღვანელოების კრებულს, რომელიც გახდება მათი სამაგიდო წიგნი მთელი კარიერის განმავლობაში;
  • უფასო წვდომას  შრომის უსაფრთხოების პირველ და ერთადერთ პროგრამულ უზრუნველყოფაზე – SafePRO  რომელიც მნიშვნელოვნად გაამარტივებს ორგანიზაციაში შრომის უსაფრთხოების მართვის პროცესს.

შრომის უსაფრთხოების კურსის შინაარსი

 ტრენინგის ფარგლებში:

• • შეისწავლით შრომის უსაფრთხოების მართვის სისტემას და მისი ორგანიზაციებში დანერგვის მეთოდებს
  • შეისწავლით სამუშაოსთან დაკავშირებული საფრთხეების იდენტიფიკაციას, რისკების შეფასებასა და მართვას
  • გაერკვევით თქვენსა და მმართველობითი გუნდის პასუხისმგებლობებსა და ვალდებულებებში 
  • ისწავლით ინციდენტების მოკვლევის მეთოდოლოგიას და სტატისტიკური მაჩვენებლების ანალიზს
  • გაეცნობით ობიექტების ინსპექტირების პროცესს, მიიღებთ ინსპექტირების ფორმებს 
  • გაეცნობით და შეიძენთ შრომის უსაფრთხოების სპეციალისტისთვის აუცილებელ უნარ-ჩვევებს
  • გაეცნობით ჯანმრთელობისა და შრომის უსაფრთხოების სფეროში არსებულ თანამედროვე მიდგომებსა და საშუალებებს
  • შეისწავლით საქართველოში მოქმედი შრომის უსაფრთხოების ორგანული კანონისა და რელევანტური რეგლამენტების მოთხოვნებს
  • მიიღებთ პრაქტიკულ გამოცდილებას ხუთი სხვადასხვა ეკონომიკური საქმიანობის სფეროში

შრომის უსაფრთხოების სრული აკრედიტებული პროგრამა მოიცავს შემდეგ მოდულებს:

1. 1. შესავალი შრომის უსაფრთხოების მართვის საკითხებში
   2. საფრთხეების იდენტიფიცირება, რისკის შეფასება და მართვა
   3. საერთაშორისო სტანდარტები შრომის უსაფრთხოების სფეროში
   4. ტრენინგებისა და ინსტრუქტაჟების ჩატარების მეთოდები და მიმართულებები
   5. სპეციალური და განსაკუთრებული საჭიროებების მქონე დასაქმებულთათვის უსაფრთხო და ჯანსაღი სამუშაო გარემოს შექმნა
   6. საწარმოო უბედური შემთხვევისა და ინციდენტის მოკვლევა – აღრიცხვა, რეგისტრაცია, ანგარიშგება
   7. პროფესიული დაავადებები – პროფესიული და პროფესიით განპირობებული დაავადებების კლასიფიკაცია, აღრიცხვა და კონტროლი

1. 8. საქართველოს ორგანული კანონი „საქართველოს შრომის კოდექსი”
   9. „შრომის უსაფრთხოების შესახებ” საქართველოს ორგანული კანონი
   10. ეროვნული საკანონმდებლო რეგულაციები შრომის სამართლის მიმართულებით
   11. ელექტრო და სახანძრო უსაფრთხოება
   12. ქიმიური ნივთიერებების კლასიფიკაცია და უსაფრთხოების წესები
   13. საწარმოო სათავსების მიკროკლიმატისადმი წაყენებული ჰიგიენური მოთხოვნები
   14. ინდივიდუალური და კოლექტიური დაცვის საშუალებები
   15. შრომის ჰიგიენა: ქიმიური, ფიზიკური, ბიოლოგიური და ფსიქოსოციალური ფაქტორები; მზომი ხელსაწყოები და მათი გამოყენების პრაქტიკული უნარ-ჩვევები
   16. უსაფრთხოების ნიშნები და მონიშვნები სამუშაო სივრცეში
   17. გადაუდებელი ღონისძიებების დაგეგმვა და განხორციელება; საევაკუაციო გეგმა
   18. გარემოსდაცვითი საკითხები შრომის უსაფრთხოების სფეროში
   19. ტვირთის გადატანა
   20. სიმაღლეზე მუშაობა
   21. აალებად და ფეთქებად ნივთიერებებთან მუშაობის სტანდარტები და წესები
   22. შრომის უსაფრთხოება მანქანა-დანადგარებთან, მოწყობილობებთან და სხვა სამუშაო ხელსაწყოებთან მუშაობისას
   23. პირველადი სამედიცინო დახმარება
   24. შრომის უსაფრთხოება სამშენებლო სექტორში
   25. შრომის უსაფრთხოება სამთომოპოვებით მრეწველობასა ან/და მძიმე დამამუშავებელ მრეწველობაში
   26. შრომის უსაფრთხოება მსუბუქ მრეწველობაში
   27. შრომის უსაფრთხოება მომსახურების/სერვისის სექტორში და საოფისე საქმიანობისას
   28. შრომის უსაფრთხოება სამედიცინო სფეროში

ვისთვისაა განკუთვნილი შრომის უსაფრთხოების აკრედიტირებული კურსი?

ეს გახლავთ ინოვაციური ფორმატისა და შინაარსის მქონე ინტერაქტიული კურსი, გამდიდრებული რეალური მაგალითებით და პრაქტიკული სავარჯიშოებით, რომელიც განკუთვნილია ბიზნესის ნებისმიერ სექტორსა და ნებისმიერ ინდუსტრიაში მომუშავე შუა და ზედა რგოლის მენეჯერებისა და ხელმძღვანელი პირებისათვის.

ჩვენი სერთიფიცირებული შრომის უსაფრთხოების ტრენინგი უკვე გავლილი აქვს არაერთ მსმენელს და მსხვილ ორგანიზაციას, მათ შორის შემდეგ დაწესებულებებს:

• • შრომის ინსპექციის სამსახური
  • თბილისის მერიის მუნიციპალური ინსპექცია
  • GOGC – საქართველოს ნავთობისა და გაზის კორპორაცია
  • ენერგო-პრო
  • საქრუსენერგო
  • საქართველოს რკინიგზა
  • GWP და სხვა.

რას უნდა მოელოდეთ შრომის უსაფრთხოების სპეციალისტის კურსისგან?

იოლად გასაგებ და ადვილად დასამახსოვრებელ და საინტერესო მაგალითებს; ინტერაქტიულ ტესტებს და ცოცხალ დისკუსიებს, რეალურ შემთხვევებსა და ბიზნესში არსებულ პრობლემებზე დაფუძნებულ პრაქტიკულ სავარჯიშოებსა და დავალებებს; დამხმარე მასალას – კურსის სახელმძღვანელოს, კანონმდებლობის და რეგლამენტების დოკუმენტებს, “ჩეკლისტებს”, სხვადასხვა ფორმებისა და ცხრილების ნიმუშებს, რომლებიც სამსახურში აუცილებლად გამოგადგებათ.

ტრენინგის ფორმატი:

შრომის უსაფრთხოების ტრენინგი მიმდინარეობს ქართულ ენაზე, ყველა მასალა და საგამოცდო შეკითხვა არის ქართულად.

კურსი შედგება 2 ნაწილისგან – თეორიული და პრაქტიკული:

• • • • თეორიული სწავლება – 33 დღე, (133 აკადემიური საათი)
      • პრაქტიკული სწავლება – 12 დღე (97 საათი)

თეორიული ნაწილი:  ჩატარდება ქ. თბილისში, შემდეგ მისამართზე:  ქეთევან დედოფლის N 16, საქართველოს საავიაციო უნივერსიტეტის შენობა.

მსმენელებს შესაძლებლობა ექნებათ, აირჩიონ შემდეგი ორი გრაფიკიდან ერთ-ერთი:

• • • • ორშაბათი, ოთხშაბათი, პარასკევი 19:00 – დან და კვირა 10:00 – დან,    ან
      • სამშაბათი, ხუთშაბათი, 19:00 – დან, შაბათი – 11:00-დან და კვირა 15:00 – დან.

თეორიული ნაწილის ბოლოს იწერება IOSH-ის საგამოცდო ტესტი. 

პრაქტიკული ნაწილი: გაიმართება 2 კვირის განმავლობაში ყოველდღე დღის (სამუშაო) საათებში. თითოეულმა მსმენელმა შრომის უსაფრთხოების სპეციალისტის პრაქტიკული უნარების გამომუშავების მიზნით, მინიმუმ 5 სხვა და სხვა სფეროს წარმომადგენელ კომპანიაში (სამშენებლო სფერო, სამედიცინო სფერო, მომსახურების სფერო, მსუბუქი და მძიმე მრეწველობა)  უნდა განახორციელოს სამუშაო ვიზიტები.  პრაქტიკის ობიექტების შესახებ დეტალური ინფორმაცია, ისევე როგორც პრაქტიკის განხორციელების ზუსტი განრიგი მსმენელებს გადაეცემათ თეორიული ნაწილის დასრულების შემდეგ.

შრომითი უსაფრთხოების აკრედიტებული კურსის ტრენერები ინსტრუქტორები:

დავით თხელიძე – NEBOSH (IGC); IOSH;  SSoW; BOHS; ISO 9001, ISO 14001, ISO 45001 Lead Auditor.

გამოცდილება: BP ბრიტიშ პეტროლიუმი: 15+ წელი – შრომის უსაფრთხოების მრჩეველი, SafCo: 7+ წელი – დამფუძნებელი და კონსულტანტი,  IOSH – ლიცენზირებული და აკრედიტებული წევრი/ტრენერი ტექნიკურ დონეზე.

თორნიკე თოდრია – NEBOSH (IGC); IOSH;  SSoW; BOHS; ISO 9001, ISO 14001, ISO 45001 Lead Auditor.

გამოცდილება: BP ბრიტიშ პეტროლიუმი: 7+ წელი – შრომის უსაფრთხოების მრჩეველი, SafCo: 7+ წელი – დამფუძნებელი და კონსულტანტი, CoSHO – შრომის უსაფრთხოების ორგანიზაციების კონფედერაციის პრეზიდენტი,  IOSH – ლიცენზირებული და აკრედიტებული წევრი/ტრენერი ტექნიკურ დონეზე.

გიორგი ბიბინეიშვილი – IOSH; BE-MEng;

გამოცდილება: საქართველოს ნავთობის და გაზის კორპორაცია: 9+ წელი – ნავთობის მოპოვების ინჟინერი, დეპარტამენტის უფროსის მოადგილე,
SafCo: 7+ წელი – შრომის უსაფრთხოების და გარემოს დაცვის მრჩეველი, ტრენერი, საქართველოს გაზსაცავის კომპანია: 3+ წელი, მიწისქვეშა გაზსაცავის პროექტის მენეჯერი.

 კურსის ღირებულება – 2000 ₾

გთხოვთ გაითვალისწინოთ, შრომის უსაფრთხოების სპეციალისტის აკრედიტებული პროგრამის მოცულობის, განხორციელების წესისა და პირობების დამტკიცების შესახებ ბრძანების საფუძველზე, შრომის უსაფრთხოების სპეციალისტის ლიცენზიის მისაღებად, მსმენელი უნდა ფლობდეს  უმაღლესი ან პროფესიული სასწავლო დაწესებულების მიერ გაცემულ დიპლომს!